【本報訊】ViuTV節目《調教你MIRROR》6月7日晚首播,30秒預告片段曝光,鏡粉留言稱十分期待。去年監製楊任豪邀梁祖堯(阿祖)合作《調教你男友》贏盡口碑,阿祖以「心地好」形容製作團隊,今次再度在《調教你MIRROR》合作。
《調教你MIRROR》在梅窩取景,經理人花姐(黃慧君)不在場情况下由阿祖調教12名成員。預告見他們出發時攰到入睡;另外又有阿祖跟花姐在車廂對話,花姐問:「你(阿祖)估你可唔可以調教我12個仔?」阿祖說:「呢件事難度都唔細。」花姐連環數MIRROR成員缺點,「簽完佢返嚟,的確有好多缺點嘅」、「好多人單飛啦,我覺得佢會擺單飛做第一位,MIRROR做第二位」、「點呀,你可唔可以有啲上進心呀?」「佢係優柔寡斷,佢發番我脾氣,就覺得我點解話佢黑面」、「其實佢哋好幸福嘅,冇經歷過究竟出面原來做新人咁慘㗎?」這段預告經巧妙剪接後,根本不知花姐正在罵誰。
《WARRIOR》連續兩周叱咤奪冠
另一方面,MIRROR愈唱愈旺,新歌《WARRIOR》連續兩周成為叱咤903專業推介冠軍歌,有指對上一次有組合能連奪叱咤兩星期冠軍歌已是2006年軟硬天師的《好兄弟》。《WARRIOR》在新城及港台的排行榜亦奪冠,ViuTV的《Chill Club》榜則排第2位。

前一篇文章惠英紅跟吳千語嘈交有火花
下一篇文章醫療股強勁礦股暴跌 澳洲股市小幅上升