【本報訊】「大小姐」林淑敏、邵初及葉蒨文等人昨日以Halloween造型現身《愛 ·回家之開心速遞》宣傳活動。早前林淑敏因率先公布鄭世豪離巢消息而令對方不悅，近日鄭世豪在活動上直認與她少聯絡，問到林淑敏時，她就避談說：「我唔回應啦，隔咗咁耐啦（鄭世豪話同你少聯絡？）冇回應，因為佢都話唔開心，唔好再講。（唔理佢？）唔係，會有啱嘅時間。（佢好似放唔低？）唔會，佢唔係呢啲人。」
她又稱相信會有機會「破冰」，但要找個合適的時間。林淑敏又稱之前因皮膚敏感以致開唔到工，後來發現因食了乳酪有關：「每次食完都會痕，最近才發現自己對奶製品過敏，上次我食完乳酪皮膚敏感，隻眼腫咗一倍，唔怪得每次我食完都去得暢順啲，不過以後都唔敢食。」邵初因角色而將一頭長髮剪短，有人讚好，但亦有網友指她現在的髮型顯老，比年紀相若的葉蒨文老很多，對此邵初大方地回應：「我對自己的造型打100分，其實我個心（境）係young，人哋係『童顏』，我就係『老顏』！」身旁的葉蒨文亦幫口解釋指因為二人飾演的角色不同，邵初的角色嚴肅，感覺強勢一點，而她的角色就比較小孩子氣，所以才會造成反差感。
邵初笑言打算再挑戰剪更短的頭髮，問到能否接受光頭？她說：「角色需要都可以，同埋我見到『大小姐』個光頭Look都好靚。」葉蒨文被發現左邊手㬹擦損了一片，她自嘲自己是容易受傷的女人，經常都會撞瘀，而這次受傷是行街落樓梯的時候不慎跌親，她說：「 當時成班朋友仲笑我，佢哋都知我『論盡』，然仲影低相，再救我。」她指當時是穿長裙，不過也顧不到是否有走光了。
