《巾幗4》啱口味 定欣嫲嫲忙追劇 黎耀祥望收視保持冠軍

【本報訊】黎耀祥（祥哥）、胡定欣、蕭正楠、陳曉華及羅天宇等，昨日（5日）到荃灣出席台慶劇《巾幗梟雄之懸崖》宣傳活動，祥哥與定欣坐黃包車出場，而羅天宇及蕭正楠在玩遊戲時更做車伕拉車。台上並公布該劇首播7日跨平台收視24.8點、首播觀眾161萬以及黃金時段收視冠軍，成績理想。
祥哥與定欣受訪時齊聲表示對收視感滿意，祥哥說：「生意難做，幾驚得10幾點，𠵱家唔係以前咁嘅時勢，多謝大家捧場，希望收視能夠繼續保持。」定欣亦稱嫲嫲也有捧場：「幾日前同嫲嫲食飯， 平時嫲嫲九點就瞓覺 ，佢專誠食完晚餐睡一陣後再起身睇劇，令我好開心，見佢開心自己都安慰，可能近期少民初劇，啱佢口味，畫面上中晒。」
提到劇情，祥哥透露會越來越濃烈，因為之後兩人的壓力會增多，會有日本侵華及軍閥等場面，而他與定欣更有一場瞓棺材的戲。已不是第一次瞓棺材的定欣表示不介意，因為有利是收，而今次雖然棺材空間細，但並不是真的蓋住，所以也不算很辛苦。
陳曉華笑言自己是劇中最悠閒的人，因為不用打，不過她反而想拍打戲。提到劇中與羅天宇玩風的戲份，問到現實中可會約男仔去玩？她笑言若一個男人不夠：「要幾個，重啲唔會咁易畀風吹走。」她又作呷醋狀指羅天宇在劇中並非只跟自己玩風，和陳楨怡也有玩風。問她遇過的男仔是否也會用同一招追女仔？她說：「無論如何都會，其實我都會，我識朋友嘅開場白都差唔多。」至於是否會跟緋聞男友朱敏瀚（朱仔）玩風，她即避談說：「唔玩，我獨立女性嚟。」
提到朱仔與周嘉洛及張振朗有一個「救救朱敏瀚」手機群組，是幫朱仔給其衣着意見，問陳曉華是否也有要求過加入群組？她笑言沒有亦不會要求，因自己也想有人幫，對於朱仔打算讓好友陳瀅和王灝兒加入，陳曉華即贊同：「梗係Perfect啦，佢哋有Fashion sense，（佢哋成日炒車？）點會呀，佢哋嘅style唔係嗰啲穩陣型，係型格，挑戰創新，我都想，我唔想次次都係咁樣，我可唔可以搵定欣。」她透露將拍攝新劇《夫妻的搏弈》，劇中會飾演女強人。