容祖兒澳門騷失足險墮台

【本報訊】容祖兒前晚於澳門舉行《Eternity演唱會2024》，當與舞蹈員跳唱《全身暑假》時發生小意外，升降台突然提早降下，她失平衡跌倒大叫，臨危不亂冷靜執生，扶住台側避免受傷，在旁舞蹈員見狀立即扶起她，完成演出後，保安護送她隨升降台降下回後台，祖兒說：「一齊落番去啦，拜拜！」

在場觀眾看見驚險一幕感嘩然，擔心祖兒有否受傷，祖兒之後換上黑色性感透視裙出場，摸一摸膝頭說：「大佬呀，嗰下我都覺得好應㗎！我冇事，食過『夜粥』㗎嘛，有武功根底，不過頭先如果影到啲好樣衰（片段），唔該唔好擺上網，我行『型』嘛，吓！好靚？我唔信你哋，你哋嗰啲黑圖嚟㗎。」

祖兒在社交平台限時動態回應：「其實我自己都覺得好好笑，連人帶聲跌咗落坑渠咁，我睇咗好多次，多謝各位扶起我同時，又繼續專業表演嘅伙伴們。Love u！」她的經理人霍汶希回應傳媒表示：「好彩祖兒反應快，最後冇事，沒有造成嚴重後果，不過台下所有同事都嚇親。」