【本報訊】張家輝早前飛抵吉隆坡出席第7屆馬來西亞國際電影節，親自接受大會頒發的「卓越電影成就獎」外，其執導及主演的新作《贖夢》亦成為電影節的閉幕電影，令馬來西亞成為首個華人地區可率先欣賞到家輝新戲的地方。
家輝率領主演的袁富華（Ben）以及李凱賢（Brain）出席閉幕放映會，獲大批影迷歡呼支持及包圍，大家都讚賞電影驚嚇效果，又欣賞故事感人。家輝希望電影上映時帶同劉俊謙、陳法拉兩位主角到大馬謝票。今次家輝的大馬影展之旅，先後出席電影節的媒體訪問、「香港之夜」活動以及頒獎禮，來到影展壓軸行程閉幕電影《贖夢》的放映會，三場放映全院滿座，影迷們終於可以近距離接觸家輝，而家輝甫抵達戲院就受到大馬影迷的夾道歡迎，紛紛舉起手機拍照及大叫「家輝、家輝」，家輝亦相當親民跟大家握手打招呼。
完場後，三位演員再現身映後分享會，現場氣氛熱烈，大家都讚賞電影驚嚇效果，又欣賞故事感人。身兼導演的家輝跟觀眾分享創作源起，又特別感謝一眾演員出色演出，當提到身旁的Ben哥，家輝笑指他演負面人物入型入格：「佢做到我成日都問佢，我話喂……你真係好衰呀，我話其實你真人嘅性格唔係咁㗎？我話你其實係咪變態㗎？我話我成日覺得你係推阿婆出馬路嗰啲人嚟㗎，哈哈哈。佢話唔係㗎，我冇推過阿婆出馬路，即係佢好安分去演好個角色。」說畢，Ben哥跟全場觀眾都大笑。
Ben哥表示第一次收到家輝邀演時覺得受寵若驚，又指對這個導演又愛又恨：「佢拍我時佢全力做佢導演嘅工作，佢寫到個角色好清晰，講畀我聽究竟係啲乜嘢，令到我發揮好得心應手，但恨嘅就係佢好似好想挖我啲陰暗面出嚟，一啲不為人知嘅嘢，佢成日都話我係個好殘暴嘅人嚟，我話唔係呀，我係一個好人嚟㗎。」至於Brian就榮幸自己在戲中飾演家輝的好朋友，更難得在片場與家輝交心聊天：「同家輝哥真係有一對一傾偈，關於佢個女、關於我個女、關於佢，對我演出好有幫助嘅。」
家輝聞言即搶着說：「私事你咪講出嚟𠻹呀！」Brian連忙說沒有，惹得全場大笑。大馬觀眾在放映會踴躍發問，家輝跟兩位演員都欣喜觀眾留意電影箇中細節，特別是眾角色之間的情感羈絆。
最後家輝跟大家一同大合照，預祝上映時票房大賣，又表示希望屆時帶同劉俊謙、陳法拉兩位主角到大馬謝票，觀眾隨即起哄，家輝臨走前亦應影迷要求握手及簽名，更笑說要祝福大家：「睇完唔好發噩夢呀！」
