目錄

20.4 C
Sydney
Thursday 3 December 2020

Classified.acd.com.au

Property.acd.com.au

Digital Newspaper

Home 娛樂 周柏豪將女兒6位數紅包捐出行善

周柏豪將女兒6位數紅包捐出行善

0
周柏豪將女兒6位數紅包捐出行善
周柏豪透露最近第一次帶個女去草地。

【本報訊】《新城勁爆頒獎禮2020》將於12月30日舉行,昨日大會舉行記者會,半百歌手及一眾工作人員逾百人出席記者會,因疫情下有限聚令,昨日眾人雖有戴口罩,但大會亦安排出席的歌手及嘉賓4人一組分開坐。周柏豪女兒下月2號便1歲生日,他想將女兒收到的6位數利是全數捐出,幫女兒積福。
昨日出席的歌手有陳柏宇、周柏豪、鄭欣宜、菊梓喬、泳兒、王君馨、林奕匡、吳浩康及施匡翹等,歌手們更上台試玩AR合拍體驗。新城知訊台執行總監程凱欣表示今年頒獎禮計劃在商場內舉行,預計下午進行,頒發五十多個獎項,估計兩小時完成,商場舉辦會有人流,觀眾可以睇,但就不設招待觀眾。問到若疫情嚴重的話,可有另一計劃?她說:「會有,但暫時未能公布,頒獎禮一定不會取消。」
周柏豪對於今年有實體音樂頒獎禮,坦言很開心,因已很久沒接觸頒獎禮,去年都是網上或錄製舉行,相信公司都會度期安排他出席:「作為歌手有錄製歌曲,係對支持自己一年嘅歌迷有交代同回報,有時攞獎唔係為自己, (得獎有信心?)有嘅,今年有兩首歌《讓愛高飛》同《劫後餘生》,啲歌成績好好,但前者因為係跨年,唔知計唔計。」
欣宜暫定明年出3首新歌
剛過了生日的柏豪,表示今年生日超級感慨,當日與家人去了野餐,雖然簡單但已足夠:「今年好有感覺,因為有個女,同埋因疫情困咗好耐,個女第一次去草地!終於知呢個世界有其他人,唔係火星。」他的女兒下月2號便1歲生日,柏豪指女兒已識認出爸爸。問到會否為女兒舉行生日會?柏豪表示原本想在公司舉行小型生日會,因疫情關係之前都沒有為女兒搞百日宴,但近日疫情又反覆,所以還是決定留在家中慶祝便算。至於禮物,他笑謂還未想到,反而想將女兒收到的6位數利是全數捐出,幫女兒積福。問到會否再追多個?他說:「遲多陣先,因為生多個太太就唔能夠埋身餵女,怕會忽略個女。」
鄭欣宜今年轉投新唱片公司後推出了新歌《小夜燈》,她預告將明年發力推出新歌:「今年當熱身先,出年就會發功,暫定會出3首新歌。」問到會否出席頒獎禮?欣宜說:「一切等公司安排,但我個人冇所謂,最緊要做足安全,頒獎禮係開心事,過去每年大家都一齊玩。」她又稱今年是困難的一年,自己托賴有工作,網上頻道就快有6萬訂閱,收入還可以,自己都滿意。
陳柏宇(Jason)和同門林奕匡、黃妍等齊現身,Jason表示今年產量不多,也沒去想得獎與否:「從來頒獎禮前都冇諗呢啲,現時做歌係為咗自己鍾意作品,心態明顯同以前有出入。」
陳柏宇長期擔心會染疫
Jason不諱言有實體頒獎禮當然開心,但又怕人多聚集會中招:「有個女,私下都會驚,因為多人,長期驚有中招感覺。」受到上呼吸道疾病影響,全港幼稚園停止面授,Jason的女兒亦要暫時停課,他說:「個女讀N班,對佢冇咩影響,只係返咗幾日,太太就要陪佢網上教學,之前我去接佢放學,一見到我爆喊,佢太掛住爸爸,我好心痛。」
王君馨今年推出新歌《Casada》,並首次以歌手身份出席音樂頒獎典禮,但君馨卻表示自己並不能角逐新人獎:「因為我2014年同英皇推出咗福音碟,已經做咗新人,但當年無人通知過我出席頒獎禮,昨日嘅感覺似第一日返學,但已經係四年級。」談到可有信心得獎?她笑說:「唔做新人信心即降低少少,不過好開心以一個新嘅身份出席呢個頒獎禮。(驚唔驚到時齋坐無獎?)唔緊要呀,我第一次坐,所以都幾興奮,好似我10年前出席頒獎禮都會特別興奮,當係一個學習,稍後亦會繼續出歌,也會拍一些好勁的MV 。」
身旁的泳兒被問到可會過兩招給君馨?她說:「我有睇過佢首歌MV,跳得好好又Sexy,完全唔似新人,我反而要佢過兩招畀我。」君馨亦禮尚往來大讚泳兒的慢歌好聽。說到可驚出席人多的活動?她表示會做好預防措施。