湯怡大肚玩頭倒立

【本報訊】湯怡與排舞師麥秋成今年2月奉子成婚後,便專心安胎,更不時在社交平台分享生活日常。預產期在7月底的湯怡,更在社交網分享做「倒立」動作的照片,相中所見挺着大肚子的她,在無靠牆的情況下做出「倒立」動作,並寫道:「今日天陰陰,心情都爭少少,做吓運動拉吓筋,開心返,大家請放心,我懷孕前一直有做headstand(頭倒立),𠵱家都係有麥生喺隔離,安全情況下先做,孕前未學過嘅準媽媽,記得唔好亂做啊!」
雖然湯怡聲明之前已做過倒立,並且是在老公陪住安全情況下做,但仍被網民鬧爆,有網民表示:「希望為咗BB着想。不要再做危險動作啦。知道你做開運動都係咁話。無必要為咗呃Like而做。覺得自己好威威。Sorry我唔會Like這post」、「唔好做呢啲危險動作,有咩意外咁點算呀?」、「太任性了」、「有BB仲做呢個高危動作有咩益處?為打卡?」、「有無問過醫生㗎?呢個headstand會唔會有啲危險?」。不過亦有網民撐湯怡:「其實自己知道安全就可以」、甚至有人讚她:「好犀利呀」。