目錄

20.4 C
Sydney
Thursday 3 December 2020

Classified.acd.com.au

Property.acd.com.au

Digital Newspaper

Home 娛樂 羅家英曾與黃一山商討

羅家英曾與黃一山商討

0
羅家英曾與黃一山商討
家英哥表示不會帶阿姐返回秦朝。

【本報訊】羅家英(家英哥)與杜小喬昨日為林曉峰(阿Lo)與練美娟主持的ViuTV新節目《調查男女》擔任嘉賓。
家英哥表示節目中被問到可以的話,將會帶什麼東西返回古代秦朝,雖然不少人建議他帶太太汪明荃(阿姐)同行,但他卻婉拒了:「我畀機會佢離開我,因為秦朝戰亂太危險,唔帶女人去,等我去得啦!我揀帶手機、黃金、藥物,我怕凍,帶羽絨。」
談到曾合作的李健仁(如風)去年因中風而半身癱瘓,家英哥說:「聽講佢身體唔係咁好,好似心臟中風,佢年紀唔係大,平時食嘢唔檢點,唔知咁大件事,舊年我同細龜(黃一山)曾經想幫佢搞演唱會籌款,但內地唔可以咁做,等疫情過後再諗,(如花喺社交平台答謝古天樂同甘比幫忙?)有古仔同甘比幫手相當之好。」
他又提到阿姐太精力充沛,稍後要為演出做籌款活動,她一個人的工作能力可以頂他30個:「真係好勁,我要重新認識佢,以前都會嗌攰,揼完骨就冇事,但現時唔會,(阿姐豈不是少時間同你談情?)我唔睬佢,30幾年仲談情?現在係相對無言嗰隻,我有我做嘢,我都忙嘅。」
回復單身的阿Lo被拍到與女性朋友相約食飯,他否認是女友,只是同朋友食飯,因為同朋友見面傾偈可以較開心,他覺得自己或朋友都有情緒要抒發一下,所以之後都會繼續相約朋友食飯。他承認以往因要回家食飯,甚少應朋友約,現在兩個兒子可以打理屋企,不會再像以往般忽略了朋友。