202010_15ED3006

【本報訊】張慧儀為ViuTV全新節目《吃掉前男友》擔任頭炮嘉賓，她在節目中分享對愛的睇法，揚言養子張晃維（Hanson）未有為她的愛情上帶來障礙，反而另一半影響到與愛子關係，她寧願選擇單身。
張慧儀和養子Hanson相依為命，笑言養子Hanson就是她的真愛，她正值人生最失意的低潮時遇到Hanson，並憶述當年家暴事件：「曾經有一段好失敗嘅感情，好天真地以為會結婚。點知宣布消息後，先發現對方唔係一個可以寄託終身嘅人。我哋雙方都有為呢件事討論，但過程中變成辯論，繼而再演變成動武、家暴。」她表示此事令自己想走出既有的舒適圈，於是隻身到北京發展事業，從而遇上了養子Hanson。張慧儀認為真愛不應局限於男女之間，是可以超越血緣和國籍等界限，就如同自己與養子的關係一樣。
張慧儀不覺得養子是愛情上的一個阻礙，反而是過濾了不合適的對象，令自己在尋覓另一半時節省了不少時間。被問及單身與拍拖之間，張慧儀指會以養子的感受作前提考量：「如果個對象係會令我同Hanson嘅關係會變得生疏或者尷尬，成個家庭氣氛變得好差嘅話，我會寧願選擇單身。」