目錄

202101_08ED3008

【本報訊】現年32歲的張預東(東東,原名張裕東)於90年代加入無綫並有份參演《閃電傳真機》,童星出身的他之後轉戰幕後擔任配音工作,曾聲演韓劇《來自星星的你》粵語版「都敏俊」一角,又為《反斗奇兵》的「安仔」配音。效力TVB超過二十年的東東昨日(7/1)在社交平台宣布離巢,而同一時間,「背遊達人」梁彥宗亦宣布與TVB結束八年的賓主關係。
東東在個人Facebook上載影片解釋離巢原因,並寫着:「我都估唔到會有咁多傳媒嚟訪問我。仲有邊個夠膽喺我面前講香港配音員嘅人氣比日本聲優低?你同我出嚟!祝各位香港人,有夢圓夢,無夢造夢。」
片中,東東搞笑地在TVB大門前取景,模擬舉行一場有很多傳媒採訪的記招。他先感謝觀眾以及聽眾多年來的支持,隨即解釋離開TVB是因為死心:「死心!呢間公司有好多做法、想法同我自己實在太唔一致,咁我一個人改變唔到TVB,但TVB都改變唔到我。」「記者」問他有甚麼想跟TVB說,東東嘆氣直指公司高層做錯:「唉,真係好多年喇。我第一次簽約係5、6歲,而家我32歲。我諗我冇嘢想同TVB講,因為TVB係一件死物,但我有嘢想同TVB入面嘅人講,我想同啲舊同事講,你哋冇錯,係啲高層錯,又想同啲高層講,好錯呀你哋,做咗好多嘢都係好錯。」
談到未來的工作去向,他坦言今次是裸辭亦不排除到其他電視台發展:「真係冇動向,我真係裸辭。有電視台聯絡過我,Viu有人搵過我。(係咪去《全民造星》?)唔夠姜B嚟呀《全民造星》,姜B好勁。其實係我參加咗有獎問答遊戲,佢哋打嚟叫我去攞獎。」東東回覆傳媒時斬釘截鐵說沒有對TVB有任何不捨,亦恨不得TVB即刻執笠。不過他認為員工是無辜的,而聽眾的留言和打氣說話亦令他非常感動。
同一時間,「背遊達人」梁彥宗亦於昨日宣布與TVB結束八年的賓主關係。他指很幸運可以做到《背遊》系列,收獲了很多難忘回憶和觀眾支持,不過在亂流中不想被「安全感」三個字拉住,於是決定向外闖嘗試不同事物。
他寫着:「昨日到喇,我同TVB嘅合約正式完咗。幾年來有得有失,有機會做到我覺得好有意思嘅《背遊》系列,係幸運嘅。無端端走去行喜馬拉雅山,係難忘嘅收到觀眾嘅支持同愛,係開心嘅。亂流之中,幾次接近被『安全感』幾個字拉住,但我知道這種安全感是不安的。與其喺平靜嘅礁石下穩定,不如乘住刺激嘅時代風浪前行,反正風浪上尚有敲不碎的天空。『世界好大,唔睇好嘥』我自己講嘅,有前輩亦都話『最緊要諗下個未來喺邊度』。或者未來從來都唔喺邊度,未來喺自己手度,係老土啲,但我信,你都要信。」不少網民紛紛留言送上祝福:「做你想做的事才是真正的自己」、「忠於自己」。
—————————————-

分享 / Share :

Breaking News

Related news

Enable Notifications OK No thanks